MALUNITA' la nuova canzone di Eddy Napoli!!!

MALAUNITÀ
(Eddy Napoli)

NUIE SIMMO FIGLIE D’’O SOLE E D’’A NEVE,
NUIE SIMMO CIELO NUIE SIMMO ‘STI PPRETE.
‘N’ARRAGGIA ‘N’CUORPO ‘A ‘NU TIEMPO LUNTANO
C’‘A CCHIÙ ‘E CIENT’ANNE C’ABBRUCIA ‘INT’‘E MMANE.

TIEMPO ‘E ‘NU VIENTO CHE ‘NQUIETA ‘STI FRONNE,
TIEMPO ‘E ‘NU MARE CHE SMOVE CHEST’ONNE,
TIEMPE PASSATE, TIEMPE ‘E ‘STI IUORNE,
TIEMPO C’ASCIUTTA E TIEMPO CHE ‘NFONNE.

MANE CHE SCRIVONO E SPORCANO ‘A STORIA,
‘NFAME E ASSASSINI CHE SAGLIENO ‘N GLORIA.
MANE C’ARROBBANO FEMMENE E TERRE,
E CHE PRETENNENO ‘E TASSE ‘E ‘NA GUERRA.

GUERRA C’ACCIRE CRIATURE E ‘NNUCENTE
E C’HA REDUTTO ‘STA GENTE PEZZENTE,
GENTE D’AMMORE ISTRUITA E BRILLANTE
PRIMMA BRIGANTE E DOPPO EMIGRANTE.

OÈ !
ME SÌ FRATO TU A MME ?!
E DIMME PECCHÈ
FIERRO E FUOCO PE MME.

OÈ !
… E SÌ FRATO TU A MME ?!
E NUN DIRME CHE D’È
‘STA BANDIERA, PECCHÈ
NUN TENGO NIENTE ‘A VEDÈ !

TU PIEMONTESE, ‘NU MIEZO FRANCESE,
STIVE ‘GUAIATO FRA DIEBETE E SPESE.
SÌ ADDEVENTATO GRAND’ OMMO E SOVRANO
CU ‘E SORDE D’’E BANCHE NAPULITANE.

NUN CUNUSCIVE NE’ ONORE E CRIANZA
PENZAVE SULO A TE REGNERE ‘A PANZA,
DICIVE CA IO NUN TENEVO ‘NU DIO
MENTRE T’ARRUBBAVE TUTT’‘O SANGHE MIO.

SÌ STATO BRAVO A ‘NVENTARTE ‘NA GUERRA
CU ‘A SCUSA CA SIMMO TUTTE FRATELLI,
E SENZA MANCO ‘NA DICHIARAZIONE
CACCIASTE FORE CHI ERA ‘O PADRONE.

TE SÌ PIGLIATO CERTEZZE E SPERANZE
E ‘NCE DATO SULO MISERIA E ‘NGURANZA,
PO’ ‘NCE LASSATO ‘NA GRANDA ZAVORRA:
‘NDRANGHETA MAFIA MUNNEZZA E CAMORRA.

MALAUNITÀ MALAUNITÀ
MALAUNITÀ MALAUNITÀ
MALAUNITÀ MALAUNITÀ
MALAUNITÀ MALAUNITÀ.

OÈ !
ME SÌ FRATO TU A MME ?!
E DIMME PECCHÈ
FIERRO E FUOCO PE MME.

OÈ !
… E SÌ FRATO TU A MME ?!
E NUN DIRME CHE D’È
‘STA BANDIERA, PECCHÈ
NUN TENGO NIENTE ‘A VEDÈ !


CHI ‘NCE LEVAIE VITA, AMMORE E MEMORIA,
SO’ EROI ABUSIVI ‘INT’’E LIBRE D’’A STORIA,
STORIA CAROGNA CHE SPORCA CHEST’ARIA,
STORIA BUCIARDA ‘E CHI HA FATTO ‘ST’ITALIA

MALAUNITÀ !